يا بدر

يابدر لامن بديـت يفـل فكـري ماطـوى
ودق زير الجاش همي ثم نـادى للهمـوم


والمنادى للمنـادي لاسمـع نـادى وظـوى
صار مضرب شلف قلبي والهنادي والسهوم


يابدر نورٍ حويته نـور عينـي لـه حـوى
بالمحيـا والجديلـه حنـدسٍ خلفـه ردوم


يابـدر لامـن خلـي البـال للمظجـع اوى
كل مالذ الكرى طيفـه لفـا حـي القـدوم


من نيا اللاما تهل العيـن والقلـب انشـوى
النظر مالي سواه وفيـه شوفـي مايـدوم


ويش اسوّي يابدر باللي وصالـه لـي دوى
النياء الدا وللمواصل يابدر وشلـون اروم


تقول ليّـه مالـك إلا تـارد لعـد الـروى
وان وردت العد شمر عنك للجذب الكمـوم


لاكن إن اللي تقوله نـادر اللـي لـه قـوى
البخـوت اللـي تثنـا ماتسامـا للحلـوم


وحضي اصبر يابدر لاعاكس بعُظم الطـوى
لين يفرجها ولي الكـون والطايـح يقـوم


لدلة الهيل الخضر والبن في راسـي خـوى
وجدي على فنجالها لكن انا منـه محـروم


يابدر جوف البحر قلبي ترا لحصـه هـوى
ودي اجني حصة الغبه ولاكن كيف اعـوم


ياعليـمٍ بالعلـن والسـر فـلاق الـنـوى
سامعٍ دبي النمل على الصفا بليلٍ عتـوم


يامغيّم في سماي الغيم من عقـب صحـوى
من حقوقه بالسنيّه هـل ودقـه يالرحـوم

والله بزمتي يا سالار انك ما فهمت كلمة من هل قصيدة
مشكور